Þórir tilnefndur sem þjálfari ársins

Selfyssingurinn Þórir Hergeirsson, landsliðsþjálfari kvennaliðs Noregs í handbolta, er einn þriggja þjálfara sem kemur til greina í vali á þjálfara ársins í handboltaheiminum.

Það er alþjóða handknattleikssambandið, IHF, sem stendur að kjörinu.

Þórir gerði Noreg að Evrópumeisturum á síðasta ári og er sagður vera snillingur í leikgreiningu og taktík.

Hann keppir við landsliðsþjálfara Dana og Frakka í kjörinu.

Í karlaflokknum eru eftirfarandi þjálfarar tilnefndir: Claude Onesta (Frakkland), Ulrik Wilbek (Danmörk) og Valero Lopez Rivera (Spánn).