Lífið

Björk og Emilíana í stelpumynd

Alvöru hasarmynd fyrir stelpur Sucker Punch er stelpuhasarmynd en hún fjallar um unga stúlku sem er lögð inn á geðdeild eftir fráfall fjölskyldu sinnar og ákveður að brjótast þaðan út. Emilíana Torrini og Björk Guðmundsdóttir eiga báðar lag í myndinni.
Alvöru hasarmynd fyrir stelpur Sucker Punch er stelpuhasarmynd en hún fjallar um unga stúlku sem er lögð inn á geðdeild eftir fráfall fjölskyldu sinnar og ákveður að brjótast þaðan út. Emilíana Torrini og Björk Guðmundsdóttir eiga báðar lag í myndinni.
Íslensku söngkonurnar Björk Guðmundsdóttir og Emilíana Torrini eiga báðar lag í bandarísku stelpuhasarmyndinni Sucker Punch.

Björk syngur lagið Army of Me með Skunk Anansie en því hefur verið breytt töluvert fyrir myndina og er nú sjö mínútur. Emilíana Torrini flytur síðan sína eigin útgáfu af Jefferson Airplane-slagaranum White Rabbit. Aðalleikkona myndarinnar, Emily Browning, syngur sjálf þrjú lög, Sweet Dreams, Where Is My Mind og Asleep.

Sucker Punch er mikil tæknibrellubomba og þykir vera grafískt listaverk en leikstjórinn, Zach Snyder, gerði hinar mögnuðu 300 og Watchmen.

Björk er nú að vinna að nýju efni en breska blaðið Guardian greindi nýverið frá því að hún og sýrlenski tónlistamaðurinn Omar Souleyman hygðust gera plötu saman sem ætti að koma út á þessu ári.

Emilíana Torrini hefur hins vegar haft hægt um sig að undanförnu enda stutt síðan hún eignaðist sitt fyrsta barn.- fgg

Lífið


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.