Jón Guðni á leið til PSV og Bayern

Það bendir afar fátt til þess að Jón Guðni Fjóluson verði áfram í herbúðum Fram enda er Jón Guðni eftirsóttur af stórliðum.

Jón Guðni er undir smásjá tveggja stórliða þessa dagana að því er kom fram í fréttum Stöðvar 2 í kvöld.

Hollenska félagið PSV Eindhoven hefur lengi verið á eftir leikmanninum og hann mun heimsækja félagið í næstu viku.

Þýska stórliðið FC Bayern er einnig komið með áhuga á leikmanninum en Jón Guðni mun æfa með Bayern þegar hann er búinn að heimsækja PSV.