Sigurður Ari með níu í stórsigri Elverum

Elverum tryggði sér í kvöld sæti í undanúrslitum í úrslitakeppni norsku úrvalsdeildarinnar í handbolta með stórsigri á BSK/NIF, 44-21. Sigurður Ari Stefánsson var markahæstur í liði Elverum með níu mörk.

Á föstudaginn mættust liðin í fyrri leik liðanna í fjórðungsúrslitum og þá vann BSK/NIF óvæntan sigur, 33-32.

Úrslitin ráðast um helgina í Drammen en undanúrslitin fara fram á föstudaginn og sjálf úrslitaviðureignin svo á laugardaginn.

Ásamt Elverum eru ÖIF Arendal, Fyllingen og Runar komin í undanúrslitin.