Innlent

Handtekin fyrir dónalegan dans

Flestir skemmtu sér konunglega. Þó ekki allir.
Flestir skemmtu sér konunglega. Þó ekki allir.

Kona um þrítugt var handtekin í miðborginni í gærkvöldi. Málavextir voru þeir að lögreglu bárust margar kvartanir vegna konu sem var sögð iðka ósiðlegan dans. Í ljós kom að konan var stödd á svölum.

Hún var klædd í pils og gátu vegfarendur séð það allra heilagasta.

Þegar lögreglumenn komu á vettvang reyndist þetta á rökum reist. Konan var verulega ölvuð, að auki virtist hún fallvölt á svölunum og óttaðist lögreglan að hún gæti farið sér að voða. Var hún því handtekin og færð á lögreglustöðina.

Þar fékk hún að sofa úr og sér og ná áttum að sögn lögreglu. Ekki er talið að atriði hennar hafi verið hluti af dagskrá Menningarnætur samkvæmt tilkynningu frá lögreglunni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×