Eurovision: Við stefnum klárlega á sigur

Við hittum Jónatan Garðarsson í hádeginu í dag en hann hefur yfirumsjón með íslenska Eurovisionhópnum.

„Það sem ég geri er að skipuleggja þetta frá a-ö. Það er að segja ég tek við hópnum þegar búið er að velja lagið og legg ég línurnar með hópnum. Ég er eins og pabbi þeirra."

„Hópurinn er frábær. Núna eru margir í hópnum sem hafa gert þetta áður og vita nákvæmlega hvað þeir eiga að gera. Þau þekkja mig og vita hvaða kröfur ég geri þannig að það er frekar þægilegt," segir Jónatan.

„Já ég er mjög ánægður með árangurinn. Svo er bara að fara örlítið hærra."

Sigrum við? „Við stefnum á sigur. Alveg klárlega," svarar Jónatan.