Innlent

Lýst eftir Pólstjörnufanga

Guðbjarni er 28 ára, um það bil 185 sentímetrar á hæð og um 70 kíló. Hann er ekki talinn hættulegur.
Guðbjarni er 28 ára, um það bil 185 sentímetrar á hæð og um 70 kíló. Hann er ekki talinn hættulegur. Mynd/Pjetur
Lögreglan á Selfossi lýsir eftir Pólstjörnufanganum Guðbjarna Traustasyni. Hann skilaði sér ekki úr dagsleyfi frá fangelsinu að Litla Hrauni í gær. Eftirgrennslan eftir honum hefur ekki skilað árangri. Talið er að Guðbjarni dvelji á Reykjavíkursvæðinu.



Guðbjarni var einn þeirra sem var dæmdur í fangelsi fyrir smygl á 100 kílóum af fíkniefnum í Pólstjörnumálinu svokallaða á haustmánuðum árið 2007. Vísir greindi nýverið frá því að Guðbjarni stundur flugnám í fangelsinu.



Guðbjarni er 28 ára, um það bil 185 sentímetrar á hæð og um 70 kíló. Hann er ekki talinn hættulegur.

Þeir sem geta gefið upplýsingar um ferðir hans eða dvalarstað eru beðnir um að hafa samband við lögregluna á Selfossi í síma 480-1010.


Tengdar fréttir

Pólstjörnufangi í flugnámi

Pólstjörnufanginn Guðbjarni Traustason stundar flugnám í fangelsinu á Litla Hrauni þessi misserin, samkvæmt heimildum Vísis. Guðbjarni var einn þeirra sem var dæmdur í fangelsi fyrir smygl á 100 kílóum af fíkniefnum í Pólstjörnumálinu svokallaða á haustmánuðum árið 2007. Heimildir Vísis herma að um bóklega hluta flugnámsins sé að ræða, en ekki eiginlega flugtíma.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.