Innlent

Kristján Möller: Höfum ekki efni á átökum á vinnumarkaði

Mynd/Vilhelm Gunnarsson
Alþingi samþykkti í dag lögbann við verkfalli flugvirkja Icelandair. Millilandaflug Icelandair hefur legið niðri í allan dag vegna verkfallsins en áætlunarflug hófst að nýju nú skömmu fyrir fréttir. Samgönguráðherra segir að þjóðarbúið hafi ekki efni á átökum á vinnumarkaði.

Uppúr slitnaði í kjaraviðræðum flugvirkja og Icelandair í gær. Flugvirkjar kröfðust 15 prósenta launahækkunar en Icelandair bauð 11 prósenta hækkun. Verkfall hófst því klukkan eitt nótt og í kjölfarið stöðvaðist allt millilandaflug Icelandair frá Keflavík.

Allur flugvélafloti Icelandair sat því fastur á Keflavíkurflugvelli í morgun eftir vélarnar frá Bandaríkjunum höfðu lent. Um fjögur þúsund farþegar áttu bókað far með Icelandair í dag meðal annars þessir Norðmenn sem áttuð bókað flug til Oslóar í morgun.

Boðað var til auka ríkisstjórnarfundar í hádeginu þar sem frumvarp samgönguráðherra um bann við verkfalli flugvirkja var samþykkt.

„Ég held að við þurfum á ýmsu öðru að halda núna heldur en að samgöngur til og frá landinu stöðvist," sagði Kristján Möller, samgönguráðherra, í hádeginu.

Alþingi kom saman upp úr klukkan eitt til en lögbanni sem þessu hefur aðeins þrisvar sinnum verið beitt á síðustu tólf árum - síðast árið 2004.

Þingmenn Hreyfingarinnar lögðust gegn frumvarpinu og þá vildu framsóknarmenn setja málið í gerðardóm.

„Það er ekkert sjálfsagt mál að fara að setja bann á verkfall sérstaklega þegar um er að ræða einkafyrirtæki," sagði Guðmundur Steingrímsson, þingmaður Framsóknarflokksins, á Alþingi í dag.

Frumvarpið var samþykkt með 38 atkvæðum gegn tveimur. Flugvirkjar ætla að virða lögbannið og hófst áætlunarflug Icelandair að nýju nú skömmu fyrir fréttir.

„Það er auðvitað aldrei gaman að grípa inn í svona mál en ég minni á að samningsrétturinn er áfram og aðilar geta komist að samkomulagi og þá tekur sá samningurinn við. Þetta er einfaldlega lög um að gera það ekki með verkfalli. Staða þjóðarbúsins er einfaldlega þannig núna að við þurfum ekki verkföll og átök á vinnumarkaði," sagði Kristján seinnipartinn í dag.


Tengdar fréttir

Verið að verja Icelandair fyrir skaða með lögbanni

„Samkvæmt þessu, þá eru engin rök í sjálfu sér fyrir lögbanninu annað en félagið skaðast af þessu. Landið lokast ekki. Við fljúgum í dag, fljúgum til allra landa,“ segir Matthías Imsland, framkvæmdarstjóri Icelandexpress en hann gagnrýnir stjórnvöld harðlega fyrir að samþykkja lögbann á verkfall flugvirkja hjá Icelandair en það var samþykkt af hálfu ríkisstjórnar í hádeginu í dag. Lögbannið þarf hinsvegar að samþykkja á Alþingi eigi það að taka gildi.

Ríkisstjórnarfundi frestað til hádegis

Ríkisstjórnarfundi sem átti að halda klukkan tíu um lagasetningu á verkfall flugvirkja hjá Icelandair hefur verið frestað til klukkan tólf. Verfallið hófst klukkan eitt í nótt eftir að viðræður þeirra við félagið sigldu í strand hjá Ríkissáttasemjara í gærkvöldi.

Þinghlé framlengt vegna lögbanns á verkfall flugvirkja

Fundur er ekki hafinn á Alþingi en til stóð að greiða atkvæði upp úr klukkan hálf fjögur í dag um lögbann á verkfallsaðgerðir flugvirkja. Fundinum var frestað til fimmtán mínútur í fjögur en frumvarpið er nú rætt innan samgöngumálanefndar á Alþingi.

Flugumferðarstjórar líkja þingmönnum við rakka

Félag íslenskra flugumferðarstjóra fordæmir inngrip ríkisstjórnar og Alþingis í kjaradeilu flugvirkja. Í yfirlýsingu frá þeim segir að ríkisstjórnin sýni einbeittan og ítrekaðan brotavilja þegar kemur að stjórnarskrárbundnum réttindum launþega í kjarabaráttu og alþingismenn koma hlaupandi eins og rakkar þegar kallið kemur til að stimpla gjörninginn.

Ríkisstjórnin hittist til að ræða verkfallið

Ríkisstjórnin verður kölluð saman til fundar í dag, samkvæmt heimildum fréttastofunnar, til að fjalla um Verkfall flugvirkja hjá Icelandair, sem hófst klukkan eitt í nótt eftir að viðræður þeirra við félagið sigldu í strand hjá Ríkissáttasemjara í gærkvöldi.

Icelandair stefnir á flug klukkan fjögur í dag

Icelandair hefur ákveðið að stefna að því að hefja flug síðdegis í dag um klukkan fjögur en ríkisstjórn samþykkti að leggja fram frumvarp um lögbann á verkfall flugvirkja í hádeginu í dag, þó endanlegar ákvarðanir um það verði ekki teknar fyrr en Alþingi hefur lokið meðferð sinni.

Alþingi samþykkti lög á verkfall flugvirkja - Atli sat hjá

Alþingi samþykkti klukkan fimm í dag lög sem stöðva verkfall flugvirkja sem starfa hjá Icelandair og hófst í morgun. Frumvarp samgönguráðherra var samþykkt með 38 atkvæðum gegn tveimur. Atli Gíslason, þingmaður VG, sat hjá.

Allur flugfloti Icelandair stoppar í dag vegna verkfallsins

Verkfall flugvirkja hjá Icelandair hófst klukkan eitt í nótt eftir að viðræður þeirra við félagið sigldu í strand hjá Ríkissáttasemjara í gærkvöldi. Vélar félagsins frá Evrópu voru að tínast til Keflavíkur í nótt, en brottför þeirra seinkaði í gærmorgun vegna eldgossins.

Mest lesið


Fleiri fréttir

Sjá meira


×

Mest lesið