Framsókn rekin með tapi - Íslandshreyfingin skuldar 23 milljónir

Framsóknarflokkurinn var rekinn með 60 milljón króna tapi árið 2007 samkvæmt úttekt Ríkisendurskoðanda frá árinu 2007-2008. Mestur kostnaðurinn er tilkominn vegna Alþingiskosninganna árið 2007. Þá hlaut flokkurinn framlög frá ríkinu upp á 79 milljónir en alls voru framlög lögaðila 28 og hálf milljón. Sveitarfélögin styrktu flokkinn um rétt tæpar fimm milljónir.

Árið 2007 voru tekjur flokksins 136 milljónir en árið 2008 voru tekjurnar 76 milljónir. Rekstur flokksins árið 2007 voru 169 milljónir tæpar. Ári síðar var rekstrakostnaðurinn 42 milljónir. Þá var flokkurinn rekinn með 58 milljón króna tapi.

Tekjur Íslandshreyfingarinnar fyrir árin 2007-2008 voru alls sautján milljónir en eftirstandandi skuld flokksins í dag eru tæpar 23 milljónir. Rekstur flokksins var dýrastur árið 2007 enda Alþingiskosningar sama ár. Þá var rekstrakostnaður flokksins rúmar 32 milljónir en flokkurinn hafði rétt tæpar sex og hálfa milljón í tekjur sama ár. Allar tekjur það árið voru framlög lögaðila.

Tekjur fyrir árið 2008 voru hinsvegar 12 milljónir sem er alfarið ríkisframlag en rekstur flokksins var þá 700 þúsund krónur. Skuldir flokksins eru rétt tæpar 23 milljónir króna.