Fatlaðir stofna útvarpsstöð

Hreyfihamlaðir hafa stofnað útvarpsstöðina Ö-FM 106,5. Hún fór í loftið 1. júní og verður starfrækt í tvo mánuði.

„Við erum að bæta ímynd hreyfihamlaðra með húmorinn að vopni. Við snúum gildum samfélagsins á haus. Hreyfihamlaðir eru miklu svalari en ófatlaðir," segir Andri Valgeirsson, nýbakaður útvarpsmaður.

Hópur fatlaðra sem kallar sig Götuhernaðurinn stendur á bakvið útvarpsstöðina. Hann hefur frá árinu 2006 haldið úti heimasíðu þar sem þeir gera óspart grín að fötluðum. Þeirri síðu verður haldið úti samhliða útvarpsrekstrinum.

Götuhernaðurinn er afkvæmi ungliðahreyfingar Sjálfsbjargar.