Kendra með marga í bólinu í kynlífsmyndbandinu

Enn berast fréttir af kynlífsmyndböndum sjónvarpsstjörnunnar Kendru Wilkinson. Fréttablaðið hefur áður greint frá því að klámframleiðandinn Vivid ætlar að gefa út eitt myndbandanna í enda maí og að fleiri en eitt séu til. Þá hefur komið fram að Kendra reyndi sjálf að selja myndböndin árið 2008, þegar hún var byrjuð með Hank Baskett, núverandi eiginmanni sínum.

Nú kemur í ljós að fjölmargir bólfélagar eru með Kendru í myndböndunum sem hún reyndi sjálf að selja og var meira að segja búin að stofna fyrirtæki til að sjá um söluna.

Enn heyrist ekkert frá Kendru um málið, en marga grunar að hún stjórni fjölmiðlasirkusnum sjálf og hlæi alla leið í bankann þegar myndböndin verða gefin út.