Úrval Útsýn kemst ekki til Vínarborgar

Það verður ekki flogið til Vínarborgar til þess að fylgjast með handboltaleiknum á morgun á vegum ferðaskrifstofunnar Úrval Útsýn, eins og ráðgert hafði verið.

Að sögn Þorsteins Guðjónssonar, framkvæmdastjóra ferðaskrifstofunnar, er ástæðan sú að það fengust ekki miðar á leikina. „Við fáum hringingu klukkan ellefu í gærkvöldi um að þessir miðar séu ekki að koma inn," segir Þorsteinn.

Þorsteinn segir að venjan sé að sérsamböndin sem ekki komist áfram skili miðunum en svo hafi borist þau skilaboð klukkan ellefu í gær að miðarnir væru ekki að koma inn. „Það er ótrúlegt að Ísland skuli bara fá 200 miða í þessa 12 þúsund manna höll," segir Þorsteinn.