Lýst eftir þrettán ára dreng

Lögreglan á höfuðborgarsvæðinu lýsir eftir Jóhanni Inga Margeirssyni, 13 ára. Talið er að hann sé klæddur í svarta úlpu eða mittisjakka, hvítan bol, svartar joggingbuxur og sé í hvítum strigaskóm. Jóhann Ingi, sem er grannvaxinn og 176 sm á hæð, er með blá augu og stutt, dökkt hár. Í tilkynningu frá lögreglunni segir að síðast sé vitað um ferðir hans í Hafnarfirði seint á mánudagskvöld.

Þeir sem geta gefið upplýsingar um ferðir Jóhanns Inga eru beðnir um að hafa samband við lögregluna í síma 444-1000.