Segir morðingja Bulgers eiga heima í fangelsi

Móðir James litla Bulgers, sem var aðeins tveggja ára gamall þegar að hann var myrtur í Liverpool árið 1993, segir að morðingi hans sé kominn á þann stað þar sem hann eigi helst heima.

Breskir fjölmiðlar greindu frá því í gærkvöld að Jon Venables hefði verið handtekinn í síðustu viku eftir að hafa rofið skilorð.

Venables var látinn laus árið 2001 og fékk þá nýtt nafn. Hann var aðeins 10 ára gamall þegar að hann og Robert Thompson rændu og myrtu börðu Bulger litla til bana.

Denise Fergus, móðir Bulgers litla, sagði á Twitter síðu sinni í gær að Venables væri kominn á þann stað sem hann ætti heima. Fjölskylda hennar sagði í samtali við Daily Telegraph að henni væri ekki kunnugt um hvers eðlis skilorðsrof Venables voru.