Fær leið – fyrir okkur öll!

Framsóknarflokkurinn vil lækka eða afskrifa um 20% af íbúðalánum og skuldum af litlum og meðalstórum fyrirtækjum. Enginn stjórnmálaflokkur hefur komið með heildstæðar hugmyndir,aðeins mismunandi stef við okkar leið. Svigrúm skapast þar sem erlendir lánadrottnar gömlu bankanna afskrifa verulegan hluta af útistandandi skuldum. Því miður hefur dregist að gera gömlu bankana upp þannig að enn er ekki vitað með vissu hve háar upphæðir hér um ræðir.

Það er sanngirni að hluti af þessum afskriftum komi þjóðinni til góða. Afskriftir kröfuhafa renna þannig til fólks sem upplifa það á eigin skinni að skuldir hafa hækkað verulega vegna gengisþróunar á sama tíma og verðgildi eigna hefur lækkað.

Framsókn vill bregst við áður en enn fleiri sigla í strand og reyna þannig að halda hjólum atvinnulífsins gangandi. Einnig er gengið út frá því að til sértækra aðgerða verði að grípa fyrir þá allra verst settu. En ef einstaklingar og fyrirtæki ná að standa í skilum og hafa meira handbært fé leitar það út í hagkerfið öllum til góðs. Jafnræðis er gætt, lántakendur standa í svipuðum sporum og fyrir hrun, standa í þeim sporum sem þeir reiknuðu með við lántöku. Þannig ná fleiri að standa í skilum og ríkið aflar jafnframt tekna.

Leið núverandi stjórnar þ. e. skuldaaðlögun,að lengja í lánum og frysta er neyðarhjálp eftir að skaðinn er skeður og getur í raun leitt til frekari stöðnunar. Þá tekur við bið eftir aðstoð eða mati sem tekur mánuði. Slíkt kerfi getur virkað vinnuletjandi og hætta er á því að svört vinna aukist. Þar sem forsenda aðstoðar er að geta sýnt fram á litla eða enga möguleika á að standa í skilum. Framsókn vill frekar koma með aðstoð og inngrip áður en hagkerfið lamast enn frekar.

Öllum er ljóst að við stöndum frammi fyrir miklum vanda og engan tíma má missa. Þúsundir heimila búa við fjárhagslegt óöryggi og hræðast það sem koma skal. Stjórnmálamenn verða að skapa tiltrú og traust og vera tilbúnir að grípa til óhefðbundinna aðgerða við óeðlilegar aðstæður eins og nú eru í íslensku samfélagi.

Höfundur skipar 4. sæti Framsóknar í Reykjavík norður.