Oprah lýkur keppni

Spjallþáttajöfurinn Oprah Winfrey lýkur ferli sínum í þættinum The Oprah Winfrey Show 9. september 2011 eftir 25 ára farsælt starf en Oprah er talin hafa einna mest áhrif allra bandarískra fjölmiðlamanna á tíðarandann þar vestra og setti Forbes-tímaritið hana í 45. sætið yfir valdamesta fólk heimsins árið 2009. Að meðaltali horfa rúmar sjö milljónir manna á þátt Opruh en hún ætlar sér síður en svo að hætta í bransanum þótt hún leggi þættinum. Þvert á móti hyggst spjallþáttavalkyrjan hefja rekstur sinnar eigin kapalsjónvarpsstöðvar, Oprah Winfrey Network, og senda út frá Los Angeles á svæði sem nær til 70 milljóna áhorfenda. Oprah mun ræða ástæður þessara breytinga í þeim þætti sem fer í loftið vestanhafs í dag.