Phelps baðst afsökunar

Michael Phelps hefur sent frá sér afsökunarbeiðni eftir að breska götublaðið News of the World birti í dag mynd sem sýnir hann sjúga á hasspípu.

Myndin var tekin í nóvember síðastliðnum, þremur mánuðum eftir að hann vann til átta gullverðlauna á Ólympíuleikunum í Peking í sumar. Alls hefur sundkappinn unnið fjórtán gullverðlaun á Ólympíuleikum sem er met.

„Ég sé eftir því hvernig ég hagaði mér og sýndi slæma dómgreind," sagði Phelps í yfirlýsingu sinni.

„Ég er 23 ára gamall og þrátt fyrir þann þann árangur sem ég hef náð var hegðun mín óviðeigandi og mér ósæmandi."

„Ég biðst afsökunar á því. Ég lofa mínum aðdáendum og almenningi að þetta muni ekki gerast aftur."