Eva Joly hótar að hætta - Saksóknari fundar með henni á morgun

Sérstakur saksóknari fundaði í morgun með Evu Joly en samkvæmt heimildum Vísis er það meðal annars vegna óánægju hennar í starfi en hún hefur hótað að hætta störfum. Ekki er ljóst í hverju óánægjan felst.

Þegar haft var samband við Ólaf Þór Hauksson, sérstakan saksóknara, þá vildi hann ekki tjá sig um málið.

Hann staðfesti hinsvegar að það hefði verið fundur í morgun, hann hafi hinsvegar verið faglegur.

Samkvæmt heimildum Vísis hefur engin lending orðið í deilu Evu við embætti sérstaks saksóknara en meðal þess sem hún á að vera ónægð með er að ráðleggingum hennar er ekki fylgt nógu fast eftir.

Annar fundur með Evu verður haldinn á morgun þar sem reynt verður að ná samkomulagi um  deilumálin.