Allt bendir til að aðildarumsókn Íslands verði samþykkt

Össur Skarphéðinsson, utanríkisráðherra, segir allt benda til þess að aðildarumsókn Íslands að Evrópusambandinu verði samþykkt á fundi utanríkisráðherra sambandsins á mánudag. Ekki er að vænta andstöðu frá Bretum og Hollendingum. Aðild Íslands getur styrkt Evrópusambandið að mati utanríkisráðherra Litháen.

Vikádas Úsakas, utanríkisráðherra Litháens, kom til landsins í morgun og fundaði þá með Össuri Skarphéðinssyni, utanríkisráðherra, um aðildarumsókn Íslands að Evrópusambandinu. Litháar hafa lýst yfir fullum stuðningi við aðildarumsókn Íslands.

Úsakas leiddi samninganefnd Litháa þegar þeir gengu í Evrópusambandið árið 2004. Hann segir mikilvægt að allt samningaferlið sé gagnsætt og víðtækt samráð haft við alla hagsmunaaðila.

„Ég tel að bæði tæknilega og pólitískt séð sé Ísland reiðubúið að semja um aðild að ESB á innan við tveimur árum. Það veltur þó allt á því hvað landið staðsetur sig og hvernig aðildarsamning þið viljið fá," sagði Úsakas.

Úsakas segist vonast til þess að Íslendingar nái ásættanlegum samningi við Evróupsambandið sem verði síðan samþykktur í þjóðaratkvæðagreiðslu.

Hann segir Ísland hafa margt að bjóða þrátt fyrir að landið sé nú að ganga í gegnum efnhagslega erfiðleika.

„Við erum öll að ganga í gegnum fjármálakrísu. Öll Evrópuríki eru að ganga í gegnum erfitt tímabil. Saga hagfræði og stjórnmála hefur hinsvegar leidd það í ljós að það koma hæðir og lægðir í efnahagnum og það er ekki hægt að kosti lands meðan það gengur gegnum erfiðleika. Þetta snýst um langtímasjónarmið," segir Úsakas.

Eins og fram kom í frétt fyrr í kvöld hafa Hollendinga lýst yfir miklum áhyggjum með framvindu Icesave málsins á Alþingi. Össur Skarphéðinsson, utanríkisráðherra, segist þó vera nokkuð viss um að Hollendingar beiti sér ekki gegn aðildarumsókn Íslands á mánduaginn þegar umsóknin verðu tekin fyrir á fundi utanríksiráðherra evrópusambandins. Þá væntir hann ekki andstöðu af hálfu Breta.

„Já ég er bjartsýnni í dag en í gær. Vikádas hefur sagt mér það alveg skýrt að hans skoðun eftir að hafa talað við meginleikarana á sviðinu að þetta verði samþykkt."