Hærri þjónustugjöld vegna riftunar Glaðheimasölu

Tekjutap Kópavogsbæjar vegna riftunar kaupsamnings á Glaðheimalandinu mun þyngja skuldabyrði bæjarins töluvert að sögn bæjarfulltrúa. Íbúar bæjarins megi búast við að þurfa að borga hærri þjónustugjöld í kjölfarið.

Kaupangur vill rifta kaupsamningnum sem félagið gerði við Kópavogsbæ vegna kaupa á Glaðheimalandinu upp á fjóra og hálfan milljarð árið 2007. Eins og fram kom í fréttum Stöðvar 2 í gær er er ástæðan vanefndir bæjarins á afhendingu lóðanna.

Guðríður Arnardóttir, oddviti Samfylkingarinnar í Kópavogi segir það hafa mikil áhrif bæði á skulabyrði bæjarins og íbúa verði samningnum rift.

Gunnsteinn Sigurðsson, bæjarstjóri Kópavogsbæjar sagði í samtali við fréttastofu að bærinn væri í viðræðum við Kaupangsmenn um lendingu í málinu. Hann sagði ekki hægt að meta tekjutap bæjarins vegna riftunar á samningnum að svo stöddu.