Brjóstahaldari bjargaði mannslífi

Brjóstahaldarinn bjargaði 57 ára gamalli konu í Detroit sem kom að nokkrum innbrotsþjófum í miðjum klíðum. Mennirnir voru að brjótast inn hjá nágranna konunnar. Einn þeirra dró þegar upp skammbyssu þegar hann tók eftir að vitni var á staðnum og skaut að konunni. Svo vildi þá til að kúlan lenti beint á vírnum í annarri skál brjóstahaldarans og nægði það til að verja konuna alvarlegum meiðslum. Hún meiddist að vísu nokkuð en brjóstahaldarinn dró nægilega úr hraða kúlunnar til að bjarga lífi eigandans.