Lífið

Opnunarhátíð í Vonarstræti

Í góðum félagsskap Valgeir Guðjónsson og Ásta Kristrún Ragnarsdóttir mættu á opnunarhátíðina.
Í góðum félagsskap Valgeir Guðjónsson og Ásta Kristrún Ragnarsdóttir mættu á opnunarhátíðina.

Það var góð stemning á opnunarhátíð Hönnunar­miðstöðvar Íslands, Hönnunarsjóðs Auroru og Kraums tónlistarsjóðs sem haldin var í tilefni að flutningi starfsemi þeirra í Vonarstræti 4b. Húsið var upphaflega byggt árið 1928 sem verksmiðjuhús til brjóstsykurs- og konfektgerðar.

Nú er Hönnunarmiðstöðin til húsa á efri hæð hússins, en Kraumur og Hönnunarsjóður Auroru deila með sér kjallararýminu og er ætlunin að nýta það fyrir námskeiðshald og ýmiss konar starfsemi sjóðanna.

Það var margt um manninn á opnunarhátíðinni í Vonarstræti, en meðal atburða voru innsetning Andrew Burgess arkitekts, enduropnun á Myndir og Mayhem, ljósmyndasýningu Harðar Sveinssonar og Kraums helguð íslensku tónlistarlífi og útgáfa letursins Copper Stencil sem teiknað er fyrir Hönnunarsjóð Auroru af Gunnari Þ. Vilhjálmssyni og er hugsað sem einkennisletur sjóðsins. - ag

Flott opnunarhátíð Hlín Helgadóttir, Katrín Ólína, Áslaug Snorradóttir og Brynhildur Pálsdóttir voru meðal gesta í Vonarstræti á föstudaginn.
Í góðum gír Ragnar Ólafsson og Eyjólfur Bragason skemmtu sér vel á föstudaginn.


Brosmildar Inga Elín og Ragnheiður Ingunn voru meðal gesta á opnunarhátíð Hönnunarmiðstöðvar Íslands, Hönnunarsjóðs Auroru og Kraums tónlistarsjóðs.
Góðir gestir Gígja Hólmgeirsdóttir og Hörður Sveinsson létu sig ekki vanta á opnunarhátíðina í Vonarstræti 4b.
Flottir Almar Alfreðsson, Friðrik Steinn Friðriksson og Axel Kaaber tóku sig vel út.
Fullt hús Það var margt um manninn í Vonarstræti 4b á föstudaginn. Þórunn Sigurðardóttir og Hrefna Haraldsdóttir voru meðal gesta.


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.