Fyrsta gull breskrar konu í sundi í 48 ár

Rebecca Adlington varð þjóðhetja í Bretlandi í nótt er hún fagnaði sigri í 400 metra skriðsundi eftir hörkukeppni við Katie Hoff frá Bandaríkjunum.

Hoff var með forystuna lengst af en Adlington átti frábæran lokasprett og kom í mark sjö hundraðshlutum úr sekúndum hraðar en Hoff. Landa Adlington, Jo Jackson, náði sér í bransið. Þetta eru einnig fyrstu verðlaun breskra sundkvenna á Ólympíuleikun síðan í Los Angeles árið 1984.

Kitajima Kosuke frá Japan varð í nótt Ólympíumeistaratitil sinn í 100 metra bringusundi er hann kom í mark á nýju heimsmeti í greininni, 58,91.

Norðmaðurinn Alexander Dale Oen hafði synt mjög vel í undanrásunum og undanúrslitunum og bætt til að mynda tvíbætt Ólympíumetið. Hann varð hins vegar að sætta sig við silfrið í nótt en hann sýnti á 59,20 sekúndum.

Hugues Duboscq frá Frakklandi varð þriðji og Hansen fjórði.

Þá vann Lisbeth Trickett frá Ástralíu gull í 100 metra flugsundi kvenna. Hún kom í mark á 56,73 sekúndum sem er nýtt Eyjaálfumet. Christine Magnuson frá Bandaríkjunum varð önnur og Jessicah Schipper frá Ástralíu þriðja.

Kristy Coventry frá Zimbabwe bætti heimsmetið í 100 metra baksundi í undanúrslitum greinarinnar í nótt. Hún synti á 58,77 sekúndum. Hún hafði áður sett Ólympíumet í greininni í undanrásunum.

Þá var dagsgamalt Ólympíumet Matt Grevers í 100 metra baksundi karla þríbætt í undanúrslitunum í nótt. Grevers synti sjálfur á 52,99 og bætti metið um tæpa hálfa sekúndu. Hann varð hins vegar í öðru sæti í sínum riðli því Hayden Stoeckel kom fyrstur í mark á 52,97 sekúndum.

Áður hafði Arkady Vyatchanin synt á 53,06 sekúndum í fyrri undanúrslitariðlinum. Gamli heimsmetshafinn varð á fimmta besta tímanum á 53,56 sekúndum.