Wenger dregur ummælin til baka

Arsene Wenger, knattspyrnustjóri Arsenal, hefur dregið ummæli sín um Martin Taylor leikmann Birmingham til baka. Wenger sagði upphaflega að Taylor ætti aldrei að fara inn á fótboltavöll aftur.

,,Ég viðurkenni það að ummæli mín um Martin Taylor voru of harkaleg. Ég var mjög heitur þegar ég sagði þetta," sagði Wenger í dag.

Taylor tæklaði Eduardo da Silva, leikmann Arsenal, í viðureign Birmingham og Arsenal í gær með þeim afleiðingum að Eduardo fótbrotnaði illa og verður frá í langan tíma.