Helena stigahæst í sigri TCU

Helena Sverrisdóttir átti mjög góðan leik er TCU vann San Diego State í bandaríska háskólakörfuboltanum í gær, 75-54.

Jafnræði var með liðunum í fyrri hálfleik en TCU stakk svo af í þeim síðari. Helena átti mjög góðan leik, skoraði til að mynda tvær þriggja stiga körfur í röð og átti margar mikilvægar stoðsendingar.

Alls skoraði hún fimmtán stig á þeim 24 mínútum sem hún lék. Hún skoraði úr fimm skotum af átta utan af velli, þar af úr báðum þriggja stiga tilraunum sínum. Hún nýtti einnig öll þrjú vítaköstin. Þá tók hún sex fráköst og gaf fjórar stoðsendingar.

TCU hefur unnið fjórtán leiki í röð á tímabilinu til þessa en tapað níu.