Tuttugu mínútur í sjö

Ólafur F Magnússon hringdi í Dag B Eggertsson borgarstjóra tuttugu mínútum áður en nýr meirihluti í borgarstjórn var kynntur á blaðamannafundi á Kjarvalsstöðum klukkan 19:00. Þetta kom fram í viðtali við Dag á Stöð 2 fyrir stundu.

Dagur sagðist hafa talað sex sinnum við Ólaf F í dag þegar fréttir af málinu fóru að spyrjast út. Þar fullvissaði Ólafur Dag um að allt væri í lagi.

Dagur sagði þá félaga hafa hlegið af gylliboði Sjálfstæðismanna um að Ólafur yrði borgarstjóri. Það virtist liggja vel á gamla meirihlutanum í Ráðhúsinu fyrir stundu.