Guðmundur: Ekki mælikvarði á getu liðsins

Guðmundur Guðmundsson landsliðsþjálfari var vitanlega ánægður með sigur íslenska liðsins í dag en sagði leikinn ekki vera mælikvarða á getu liðsins.

Ísland vann í dag níu marka sigur á Argentínu, 36-27, í fyrsta leik liðsins í undankeppni ÓL í Peking. Á morgun mætir Ísland heimamönnum í Póllandi.

„Við leystum verkefnið svo sem ágætlega," sagði Guðmundur í samtali við Rúv eftir leikinn. „Sóknarleikurinn rúllaði ágætlega og við skoruðum 36 mörk. Varnarleikurinn í fyrri hálfleik var ekki góður en skánaði verulega í síðari hálfleik. Nú er þessu skylduverkefni lokið og tveir punktar komnir."

„Nú er að duga að drepast fyrir okkur," sagði hann um leikinn gegn Póllandi á morgun. „Það verður erfitt og spennandi verkefni en við sjáum hvað setur."