Pavel með fimm stig í tapleik

Pavel Ermolinskij skoraði fimm stig fyrir Ciudad de Huelva sem tapaði í gær afar óvænt fyrir botnliði La Palma í spænsku B-deildinni í körfubolta í gær, 91-67.

Pavel var í byrjunarliði Huelva í leiknum og lék í samtals 33 mínútur. Hann hitti úr tveimur af fimm tveggja stiga skotum en misnotaði bæði þriggja stiga skotin sín. Þá nýtti hann annað tvegga vítakasta sinna.

Þar að auki tók hann tvö fráköst og gaf tvær stoðsendingar í leiknum.

Huelva er í áttunda sæti deildarinnar með tíu sigurleiki í samtals nítján leikjum. La Palma er enn í botnsæti deildarinnar með fjóra sigurleiki.