Snorri Steinn: Við hræðumst ekki neinn

Snorri Steinn Guðjónsson var alvarlegur og ákveðinn en þó nokkru losti eftir öll fagnaðarlætin á gólfinu í Peking.

„Við tókum þá og slátruðum þeim. Þetta er lýsandi fyrir okkur í þessari keppni. Við hræðumst ekki neinn og mætum galvaskir í alla leiki. Sjálfstraustið er með ólíkindum í þessu liði. Hvað á maður að segja? Þessi tilfinning er með hreinum ólíkindum," sagði Snorri Steinn og brosti út í annað.

„Við værum ekki komnir í úrslit án þess að eiga möguleika til að vinna þann leik. Við munum njóta sigursins og reyna svo að ná okkur niður á jörðina. Það verður vissulega erfitt að vinna Frakkana sem eru með stórkostlegt lið og hafa verið frábærir í þessu móti. Af hverju eigum við ekki að geta unnið þá eins og hina?" sagði Snorri Steinn sem átti erfitt með að lýsa tilfinningum sínum.

„Ég veit ekki. Mér líður eins og ég sé einhver vofa eða eitthvað."