Woolworths tilkynnir lokaútsölu, uppsagnir starfsfólks framundan

Verslunarkeðjan Woolworths hefur tilkynnt að lokaútsala keðjunnar hefjist í dag þar sem ekkert hefur gengið við að fá nýja eigendur að keðjunni. Jafnframt liggur fyrir að uppsagnir á tæplega 30.000 starfsmönnum keðjunnar eru framundan.

Baugur á hlut í Woolworths í gengum fjárfestingafélagið Unity. Önnu verlsunarkeðja Iceland, sem er að stórum hluta í eigu Baugs, íhugar að festa kaup á einhverjum af verslunum Woolworths.

Deloitte sem annast rekstur Woolworths er enn að reyna að finna kaupendur að keðjunni að því er fram kemur í blaðinu Financial Times. Þeir segja að ef enginn kaupandi finnist á næstunni verði öllum verslunum keðjunnar lokað fyrir áramót.

Woolworths rekur nú yfir 800 verslanir á Bretlandseyjum og fyrir utan Iceland hafa fleiri verslunarfyrirtæki sýnt því áhuga að kaupa eitthvað af þeim. Samkvæmt Financial Times lítur út fyrir að einhver hundruð þeirra muni seljast.