Gjaldkeri ÍA grunaður um fjárdrátt

Gjaldkeri ÍA hefur látið af störfum eftir að upp komst um fjármálamisferli af hans hálfu. Grunur leikur á að hann hafi dregið sér milljónir úr sjóðum félagsins um nokkurra ára skeið.

Sturlaugur Sturlaugsson, formaður framkvæmdastjórnar ÍA, staðfestir að gjaldkerinn hafi látið af störfum en vill ekki tjá sig frekar um málið. Hann segir yfirlýsingar að vænta frá stjórninni vegna málefna gjaldkerans.

Vísir hafði í dag samband við gjaldkerann. Hann sagðist ekki vilja svara spurningum um málið þar sem því væri lokið að hans hálfu.