Hádegisverður á 36 milljónir

Hádegisverður með milljarðamæringnum og stórfjárfestinum, Warren Buffet, seldist á litlar 36 milljónir króna á uppboðsvefnum Ebay.

Það voru Monish Prabai, 43 ára forstjóri hjá Pabrai Investment Funde og Guy Spier, sem rekur Aquamarine sjóðinn, sem buðu hæst í hádegisverðinn. Þeir munu ásamt sex öðrum gestum njóta félagsskapar Buffett á veitingastaðnum New York's Smith & Wollensky.

Buffet er 76 ára gamall. Hann hóf viðskiptaveldi sitt með yfirtöku lítillar textílverksmiðju árið 1967. Hann hefur nú byggt upp risaveldi með margvíslega starfsemi. Hann á meðal annars tryggingafyrirtæki, teppaverksmiðjur og sælgætisverslanir. Á hverju ári hittir hann þúsundir aðdáenda og fjárfesta sem vilja þiggja rágjöf frá honum um hagfræði, fjármál og stjórnun. Buffet er þriðji ríkasti maður í heimi samkvæmt tímaritinu Forbes.

Pabrai segir að peningunum sé vel varið því hann hafi lært svo mikið af Buffett.