Verðum vonandi geðveikir eins og gegn Frökkum

Guðjón Valur Sigurðsson var kátur í leikslok en þó jarðbundinn líkt og alltaf. "Við eigum nokkra leiki eftir og við erum ekki á leiðinni heim. Menn verða að ná sér niður og halda sér á jörðinni fyrir Slóveníuleikinn. Ef við vinnum hann þá er ýmislegt hægt," sagði Guðjón og vonast til að sjá liðið í vígahug gegn Slóvenum.

"Fyrri hálfleikur var eins og Úkraínuleikurinn en sá síðari eins og Frakkaleikurinn. Seinni hálfleikur gekk fullkomlega upp og við getum verið sáttir. Vonandi byrjum við á fullu gegn Slóveníu og verðum geðveikir eins og við vorum gegn Frökkum," sagði Guðjón Valur í samtali við blaðamann Fréttablaðsins í kvöld.