Hótelbransinn blómstrar 1. ágúst 2007 07:00 Ár eftir ár hefur ferðamönnum fjölgað meira en vonir stóðu til um. Á fyrstu fimm mánuðum þessa árs fjölgaði þeim sem fóru um Leifsstöð um sautján prósent. Til að halda í við þessa þróun hefur verið þörf fyrir eins og eitt Nordica hótel í viðbót á landinu á ári hverju. Það eru um tvö til þrjú hundruð herbergi á ári. Þörfinni hefur verið svarað að miklu leyti. Hótel hafa sprottið upp eins og gorkúlur víða um land, auk þess að mörg þeirra hafa aukið við herbergjaframboð sitt. Mest hefur uppbyggingin verið á höfuðborgarsvæðinu. Þar hefur nýtingin verið best og verð hækkað mest. Nýtingin hefur batnað mismikið eftir landshlutum en alls staðar hefur leiðin legið upp á við. Maí, apríl, september og október eru þeir mánuðir sem vaxið hafa hvað mest. Það eru góðar fréttir fyrir ferðaþjónustuna, þar sem nýting gistirýma hér á landi hefur verið talsvert lægri en í nágrannalöndum okkar. Nýtingarhlutfallið á höfuðborgarsvæðinu er nú um 55 prósent og á landsbyggðinni um 28,7 prósent. Til samanburðar er hún um 66,2 prósent í Osló og 61,7 prósent í Kaupmannahöfn samkvæmt tölum frá Ferðamálastofu. Breiddin í framboði gistirýma hefur einnig aukist verulega. Það kemur til af þeirri þörf að flóra ferðamanna sem hingað sækja er orðin töluvert fjölbreyttari en hún var fyrir fáum árum. Þeim sem kjósa að ferðast á sem ódýrastan máta hefur fjölgað með auknum ferðum lággjaldaflugfélaga til Íslands. Slegið er met í fjölda þeirra sem koma hingað með Norrænu um hverja einustu helgi. Þá má ekki gleyma viðskipta- og ráðstefnugestum, sem fjölgað hefur hratt í takt við aukna þátttöku Íslendinga í alþjóðlegum viðskiptum.Langmest umsvif í ReykjavíkUmsvif undanfarinna mánaða á reykvískum hótelmarkaði og þau sem fyrirhuguð eru á næstu eru til marks um uppgang ferðaþjónustunnar. Samkvæmt upplýsingum frá Samtökum ferðaþjónustunnar er gert ráð fyrir sautján prósenta fjölgun hótelherbergja í Reykjavík á árinu. Það eru 376 herbergi. Áætlaður heildarfjöldi hótelherbergja á höfuðborgarsvæðinu er því 2.578.Á þessu ári kom Hótel Þingholt fram á sjónarsviðið með 54 herbergi. Stóra breytingin á árinu var að turninn við Grand hótel var tekinn í notkun. Við það bættust við tvö hundruð ný herbergi. Hótel Cabin og Hótel Borg bættu jafnframt við herbergjafjölda sinn. Á næstu dögum verður Hótel Arnarhvoll svo opnað í Ingólfsstræti með 104 nýjum herbergjum.Enn virðist vera pláss á reykvíska markaðnum. Af stórum verkefnum sem fram undan eru má nefna nýtt fjögurra stjörnu 133 herbergja hótel Icelandair Hotels-keðjunnar sem áætlað er að opna í Lækjargötu árið 2009.Uppbygging á landsbyggðinni hefur líka verið mikil. Í lok síðasta árs var til að mynda lífstílshótelið Hótel Laki opnað í Efri-Vík, um fimm kílómetra sunnan Kirkjubæjarklausturs. Fyrir örfáum árum var ekkert fjögurra stjörnu hótel á landsbyggðinni, að undanskildu Hótel KEA sem alltaf hefur tilheyrt þeim gæðaflokki. Í dag eru þau þó nokkur, meðal annars Hótel Rangá og Hótel Reynihlíð.Blað brotið árið 2010Vorið 2010 verður blað brotið í íslenskri hótelsögu, gangi fyrirætlanir Portus-hópsins sem byggir við Reykjavíkurhöfn eftir. Fyrirætlað er að reisa, við hlið Tónlistar- og ráðstefnuhúss, fyrsta fimm stjörnu hótelið á Íslandi í samstarfi við bandarísku hótelkeðjuna Starwood Hotels. Hótelið verður af taginu W-hotel. Keðjan rekur fjölda slíkra hótela víðs vegar um heim en þau eru sérsniðin fyrir viðskiptaráðstefnur. Í hótelinu munu verða 350 til 400 herbergi, þar af nokkuð stór hluti hótelíbúðir. Gera má ráð fyrir að þjónusta og vöruframboð hótelsins verði fyrsta flokks, eins og sæmir stöðlum fimm stjörnu hótela. Ef þróun undanfarinna ára heldur áfram, eins og flest bendir til, má gera ráð fyrir að Portus-hópurinn sitji ekki lengi einn að fimm stjörnu hótelmarkaðnum. Undir smásjánni Úttekt Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ráðinn framkvæmdastjóri Landssambands veiðifélaga Viðskipti innlent Ratcliffe boðar nýja laxastiga og miklar hrognasleppingar Viðskipti innlent Dagar Workplace eru taldir Viðskipti erlent Hnífjöfn atkvæðagreiðsla sem gæti endað fyrir dómi Viðskipti innlent Gæti átt yfir höfði sér allt að sex ára fangelsi Viðskipti innlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Forstjóri Play íhugar að fljúga frekar til Íslands en frá Viðskipti innlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira
Ár eftir ár hefur ferðamönnum fjölgað meira en vonir stóðu til um. Á fyrstu fimm mánuðum þessa árs fjölgaði þeim sem fóru um Leifsstöð um sautján prósent. Til að halda í við þessa þróun hefur verið þörf fyrir eins og eitt Nordica hótel í viðbót á landinu á ári hverju. Það eru um tvö til þrjú hundruð herbergi á ári. Þörfinni hefur verið svarað að miklu leyti. Hótel hafa sprottið upp eins og gorkúlur víða um land, auk þess að mörg þeirra hafa aukið við herbergjaframboð sitt. Mest hefur uppbyggingin verið á höfuðborgarsvæðinu. Þar hefur nýtingin verið best og verð hækkað mest. Nýtingin hefur batnað mismikið eftir landshlutum en alls staðar hefur leiðin legið upp á við. Maí, apríl, september og október eru þeir mánuðir sem vaxið hafa hvað mest. Það eru góðar fréttir fyrir ferðaþjónustuna, þar sem nýting gistirýma hér á landi hefur verið talsvert lægri en í nágrannalöndum okkar. Nýtingarhlutfallið á höfuðborgarsvæðinu er nú um 55 prósent og á landsbyggðinni um 28,7 prósent. Til samanburðar er hún um 66,2 prósent í Osló og 61,7 prósent í Kaupmannahöfn samkvæmt tölum frá Ferðamálastofu. Breiddin í framboði gistirýma hefur einnig aukist verulega. Það kemur til af þeirri þörf að flóra ferðamanna sem hingað sækja er orðin töluvert fjölbreyttari en hún var fyrir fáum árum. Þeim sem kjósa að ferðast á sem ódýrastan máta hefur fjölgað með auknum ferðum lággjaldaflugfélaga til Íslands. Slegið er met í fjölda þeirra sem koma hingað með Norrænu um hverja einustu helgi. Þá má ekki gleyma viðskipta- og ráðstefnugestum, sem fjölgað hefur hratt í takt við aukna þátttöku Íslendinga í alþjóðlegum viðskiptum.Langmest umsvif í ReykjavíkUmsvif undanfarinna mánaða á reykvískum hótelmarkaði og þau sem fyrirhuguð eru á næstu eru til marks um uppgang ferðaþjónustunnar. Samkvæmt upplýsingum frá Samtökum ferðaþjónustunnar er gert ráð fyrir sautján prósenta fjölgun hótelherbergja í Reykjavík á árinu. Það eru 376 herbergi. Áætlaður heildarfjöldi hótelherbergja á höfuðborgarsvæðinu er því 2.578.Á þessu ári kom Hótel Þingholt fram á sjónarsviðið með 54 herbergi. Stóra breytingin á árinu var að turninn við Grand hótel var tekinn í notkun. Við það bættust við tvö hundruð ný herbergi. Hótel Cabin og Hótel Borg bættu jafnframt við herbergjafjölda sinn. Á næstu dögum verður Hótel Arnarhvoll svo opnað í Ingólfsstræti með 104 nýjum herbergjum.Enn virðist vera pláss á reykvíska markaðnum. Af stórum verkefnum sem fram undan eru má nefna nýtt fjögurra stjörnu 133 herbergja hótel Icelandair Hotels-keðjunnar sem áætlað er að opna í Lækjargötu árið 2009.Uppbygging á landsbyggðinni hefur líka verið mikil. Í lok síðasta árs var til að mynda lífstílshótelið Hótel Laki opnað í Efri-Vík, um fimm kílómetra sunnan Kirkjubæjarklausturs. Fyrir örfáum árum var ekkert fjögurra stjörnu hótel á landsbyggðinni, að undanskildu Hótel KEA sem alltaf hefur tilheyrt þeim gæðaflokki. Í dag eru þau þó nokkur, meðal annars Hótel Rangá og Hótel Reynihlíð.Blað brotið árið 2010Vorið 2010 verður blað brotið í íslenskri hótelsögu, gangi fyrirætlanir Portus-hópsins sem byggir við Reykjavíkurhöfn eftir. Fyrirætlað er að reisa, við hlið Tónlistar- og ráðstefnuhúss, fyrsta fimm stjörnu hótelið á Íslandi í samstarfi við bandarísku hótelkeðjuna Starwood Hotels. Hótelið verður af taginu W-hotel. Keðjan rekur fjölda slíkra hótela víðs vegar um heim en þau eru sérsniðin fyrir viðskiptaráðstefnur. Í hótelinu munu verða 350 til 400 herbergi, þar af nokkuð stór hluti hótelíbúðir. Gera má ráð fyrir að þjónusta og vöruframboð hótelsins verði fyrsta flokks, eins og sæmir stöðlum fimm stjörnu hótela. Ef þróun undanfarinna ára heldur áfram, eins og flest bendir til, má gera ráð fyrir að Portus-hópurinn sitji ekki lengi einn að fimm stjörnu hótelmarkaðnum.
Undir smásjánni Úttekt Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ráðinn framkvæmdastjóri Landssambands veiðifélaga Viðskipti innlent Ratcliffe boðar nýja laxastiga og miklar hrognasleppingar Viðskipti innlent Dagar Workplace eru taldir Viðskipti erlent Hnífjöfn atkvæðagreiðsla sem gæti endað fyrir dómi Viðskipti innlent Gæti átt yfir höfði sér allt að sex ára fangelsi Viðskipti innlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Forstjóri Play íhugar að fljúga frekar til Íslands en frá Viðskipti innlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira