Helmingur Bandaríkjamanna telur flesta þingmenn spillta

Helmingur Bandaríkjamanna telur að flestir þingmenn landsins séu spilltir samkvæmt nýrri skoðaðakönnun sjónvarpsstöðvarinnar CNN. Eru þetta tólf prósentustigum fleiri en í upphafi árs. Könnunin leiðir einnig í ljós að aðeins 42 prósent eru ánægð með störf demókrata á þingi en repúblikanar fá enn verri útreið því aðeins rúmlega þriðjungur er ánægður með störf þeirra á þingi. Enn fremur telur rúmur þriðjungur landsmanna að fulltrúi sinn á þingi sé spilltur. Niðurstöðurnar eru birtar tæpum þremur vikum fyrir þingkosningar í Bandaríkjunum sem margir telja að verði þær mest spennandi í áraraðir.