Heimsmet í humarrúllu áti

Japaninn Takeru Kobayashi setti ansi sérstakt heimsmet í gær. Hann mætti til leiks í árlegri humarátskeppni í Boston í Bandaríkjunum. Hann gerði sér lítið fyrir og setti heimsmet með því að borða 41 humarrúllu á 10 mínútum. Þar með fór hann nálægt því að tvöfalda gamla metið sem var 22 rúllur á jafn löngum tíma.

Kobayashi er mikill keppnismaður því hann á einnig heimsmetið í pylsuáti, en hann hefur raðað í sig 53 og 1/2 pylsu í pylsubrauði á 12 mínútum.

Kobayashi sagði erfiðara að keppa í humaráti, humarrúllurnar væru lausari í sér og því erfiðara að skófla þeim í sig.