Brain Police með útgáfutónleika í kvöld

Rokksveitin Brain Police heldur útgáfutónleika í Skífunni í kvöld og fagna útkomu fjórðu breiðskífu sveitarinnar, Beyond the Wasteland, sem kemur út á morgun, miðvikudag.

Platan verður seld í sérstakri forsölu þarna í versluninni í kvöld og munu þeir Jenni, Jónbi, Höddi og Búi einnig árita hana fyrir þá sem vilja.

Brain Police ætlar að spila plötuna Beyond the Wasteland út í gegn og verður án efa mikil stemning, enda rokkarar af lífi og sál þarna á ferð!

Útgáfutónleikar Brain Police verða í Skífunni Laugavegi 26 og hefjast klukkan 20.