Brown fær fólk enn til að dansa

Þrátt fyrir að James Brown sé farinn yfir móðuna miklu getur hann enn fengið fólk til þess að dansa. Þúsundir manna komu saman fyrir utan Apollo leikhúsið í Harlem í gær þar sem kista hans lá opin og fólk gat vottað honum virðingu sína. Brown steig fyrst á svið í Apollo leikhúsinu árið 1956 og var það upphafið að 50 ára ferli hans. Hestvagn keyrði með kistu Browns í gegnum Harlem og hundruð manna eltu dansandi og syngjandi lag hans "Say it loud, I´m black and I´m proud" en það lag var einkennislag margra í réttindabaráttu svartra í Bandaríkjunum á sjöunda áratugnum.