Fyrirsætur skulu fitna

Ítölsk yfirvöld og fulltrúar ítalska tískuiðnaðarins undirrituðu í dag viljayfirlýsingu varðandi útlit fyrirsætna og sýningarstúlkna en það hversu grannar margar þeirra eru hefur farið fyrir brjóstið á fólki eftir að brasilísk fyrirsæta lést úr anorexíu þann 14. nóvember síðastliðinn.

Engin lög verða þó sett og mun líkamsástand hverrar og einnar stúlku metið sérstaklega. Talsmenn tískuiðnaðarins segja að sumar stúlkur séu einfaldlega grannar og heilbrigðar og aðrar ekki. Meginlínan verður hin svokallað líkamsmassatala en mælst verður til þess að sú tala fari ekki undir 18 en „venjulegt" fólk er á milli 18 og 25.