Rúmenar dæmdir fyrir hraðbankasvindl

Tveir Rúmenar voru sakfelldir í Héraðsdómi Reykjavíkur í dag fyrir að hafa sett upp leynilegan afritunarbúnað á hraðbanka til að afrita banka- og greiðslukortanúmera viðskiptavina. Annar mannanna fékk tólf mánaða fangelsisdóm en hinn átta.

Mennirnir frömdu brotin í október og nóvember. Þeir settu upp leynilegan afritunarbúnað á þrjá hraðbanka, falskt lyklaborð og skynjara fyrir segulrönd bankakorta, í því skyni að afrita númer banka- og greiðslukortareikninga viðskiptavina og aðgangsnúmer að reikningunum. Mönnunum tókst að afrita að minnsta kosti tuttugu reikingsnúmer.