Innlent

Undirritaði tvísköttunarsamning við Úkraínu

MYND/GVA

Valgerður Sverrisdóttir utanríkisráðherra undirritaði í gær tvísköttunarsamning við Úkraínu ásamt Mykola Azarov, fjármálaráðherra landsins, en Valgerður hefur verið í opinberri heimsókn í Úkraínu undanfarna daga.

Með samningnum er komið í veg fyrir tvísköttun og undanskot frá skattlagningu á tekjur og eignir. Utanríkisráðherra átti einnig fund með forseta úkraínska þingsins í gær þar sem rædd voru tvíhliða samskipti Íslands og Úkraínu, breytingar á úkraínsku stjórnarkerfi og umbætur sem orðið hafa á því.

Síðdegis í gær flaug utanríkisráðherra til borgarinnar Lviv í vesturhluta Úkraínu og átti fundi með borgarstjóra Lviv-borgar og í morgun heimsótti ráðherra höfuðstöðvar Lviv-bankans, sem er í eigu MP fjárfestingabanka. Opinberri heimsókn utanríkisráðherra í Úkraínu lýkur svo í dag.

Fréttir Innlent Stj.mál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið