Erfitt verkefni bíður Newcastle og Tottenham

Nú er búið að draga í riðla í Evrópukeppni félagsliða í knattspyrnu og ljóst að ensku liðin þrjú sem komust í riðlakeppnina fá þar verðuga samkeppni. Þá lenti Íslendingalið AZ Alkmaar í riðli með Evrópumeisturum Sevilla frá Spáni.

Newcastle lenti í H-riðli þar sem liðið spilar með Celta Vigo, Fenerbahce, Palermo og Frankfurt og Tottenham lenti líka í mjög erfiðum B-riðli ásamt Leverkusen, Club Brugge, Besiktas og Dimamo Búkarest.

Blackburn er í riðli með Feyenoord, Basel, Nancy og pólska liðinu Wisla Krakow í E-riðli. Þrjú lið úr hverjum riðli komast áfram í keppninni, en átta lið sem hafna í þriðja sæti í sínum riðli í meistaradeildinni bætast svo við þann pott á næsta stigi keppninnar.

Hvert lið spilar fjóra leiki í riðlakeppninni samkvæmt drættinum í dag, en hvert lið fær þar tvo heimaleiki og tvo útileiki gegn mismunandi andstæðingum.

Newcastle fær þannig heimaleiki gegn Fenerbahce og Celta Vigo, en útileiki gegn Palermo og Frankfurt. Blakburn byrjar á útivelli gegn Krakow, heima gegn Basel, úti gegn Feyenoord og loks heimaleik gegn Nancy.

Tottenham fær það erfiða verkefni að mæta Besiktas í Tyrklandi í fyrsta leik, þá heimaleik við Club Brugge, útileik við Leverkusen og endar á heimavelli gegn Dinamo Búkarest.

Riðlakeppnin hefst 19. október og stendur fram til 14. desember, en þá er gert hlé á keppni fram að úrsláttarkeppni. Hér fyrir neðan má sjá hvaða lið drógust saman í riðla:

A-riðill:

Auxerre

Rangers

FK Partizan

Livorno

Maccabi Haifa

B-riðill:

Bayer Leverkusen

Club Brugge

Besiktas

Dinamo Bucharest

Tottenham



C-riðill:

Sevilla

AZ Alkmaar

Slovan Liberec

Grasshoppers

Braga

D-riðill:

Parma

Lens

Heerenveen

Osasuna

Odense

E-riðill:

Feyenoord

Basel

Wisla Krakow

Blackburn

Nancy

F-riðill:

Ajax

Sparta Prague

Espanyol

Austria Vienna

Zulte Waregem

G-riðill:

Panathinaikos

Paris Saint Germain

Rapid Bucharest

Hapoel Tel Aviv

Mlada Boleslav

H-riðill:

Newcastle

Celta Vigo

Palermo

Fenerbahce

Eintracht Frankfurt