Owen undir hnífinn

Enski landsliðsmaðurinn Michael Owen er nú á leið til Bandaríkjanna þar sem hann mun gangast undir aðgerð á hné. Owen hefur lítið getað spilað síðasta ár vegna meiðsla og fastlega er reiknað með því að hann verði frá keppni lengst af þessari leiktíð.

"Það verður frábært að klára þessa síðustu aðgerð frá svo ég geti byrjað sem fyrst í endurhæfingunni," sagði hinn 26 ára gamli framherji. "Svo er stefnan sett á að komast í eins gott form og mögulegt er í endurhæfingunni svo maður þurfi sem allra fæsta leiki til að komast í leikform," sagði Owen.