Southgate tekur við Middlesbrough

Gareth Southgate hefur verið ráðinn knattspyrnustjóri enska úrvalsdeildarliðsins Middlesbrough, þrátt fyrir að hafa ekki til þess tilskilin leyfi. Forráðamenn félagsins vonast eftir því að fá undanþágu fyrir hann í kjölfar þess að félagið leyfði Steve McClaren að taka við enska landsliðinu þó hann væri samningsbundinn Boro.

Southgate er 35 ára gamall og hefur spilað yfir 200 leiki fyrir félagið, en ráðning hans nú kemur nokkuð á óvart og hefur valdið nokkru fjaðrafoki.