Fyrrverandi borgarfulltrúi Framsóknar snuprar Björn Inga

Anna Kristinsdóttir, fyrrverandi borgarfulltrúi Framsóknarflokksins, snuprar Björn Inga Hrafnsson, oddvita flokksins í Reykjavík fyrir kosningarnar um næstu helgi, í pistli á heimasíðu sinni. Anna segir að yfirlýsing Björns Inga um að Framsóknarflokkurinn sitji ekki undir því þegjandi og hljóðalaust ef hann geldur afhroð í kosningunum, og honum þannig einum flokka hegnt fyrir ríkisstjórnarsamstarfið. Að sögn Önnu eru það helst kjörnir fulltrúar á Alþingi sem geti staðið við slíkar yfirlýsingar, þar eð þeir séu réttkjörnir til þess. Anna segist því kalla eftir því að formaður Framsóknarflokksins, Halldór Ásgrímsson, skýri út fyrir flokksmönnum sínum hver það sé sem taki ákvarðanir um slíkar yfirlýsingar, hann eða Björn Ingi.