New Jersey skellti Miami

New Jersey Nets vann í nótt nokkuð auðveldan sigur á Miami 100-88 á útivelli í fyrsta leik liðanna í undanúrslitum Austurdeildarinnar í NBA deildinni. New Jersey hafði gott forskot allan leikinn, en þó heimamenn næðu góðu áhlaupi í fjórða leikhlutanum, var sigur Nets aldrei í hættu.

Vince Carter skoraði 27 stig fyrir New Jersey, Jason Kidd skoraði 22 stig, hirti 9 fráköst og gaf 7 stoðsendingar og Richard Jefferson skoraði 20 stig áður en hann þurfti að fara af leikvelli með snúinn ökkla. Dwayne Wade skoraði 25 stig fyrir Miami og Shaquille O´Neal skoraði 20 stig og hirti 10 fráköst, en var í villuvandræðum allan leikinn eins og venjulega.