17.000 flýja eftir sprengingu

Sautján þúsund Bandaríkjamenn þurftu að flýja heimili sín í gær eftir að sprenging varð í eiturefnaverksmiðju nærri bænum Apex í Norður-Karólínu með þeim afleiðingum að klórgasský sveif yfir nágrenninu.

Ekki er talið að neinn starfsmanna verksmiðjunnar hafi verið að störfum þegar sprengingin varð seint á fimmtudag. Tugir manna sem búa í nágrenni verksmiðjunnar fóru á slysadeild með öndunarerfiðleika.

Ekki er vitað hvað olli sprengingunni. Verksmiðjan vinnur eiturúrgang frá iðnaði.