Leikmenn Englands óánægðir með skiptingarnar

Leikmenn enska landsliðsin voru síður en svo ánægðir með skiptingarnar sem að Sven Göran Erikson gerði í leiknum gegn Paragvæ á föstudaginn.

Leikmennirnir voru bæði hissa og ráðvilltir yfir ákvörðunum Sven Görans og sást það greinilega í andlitum þeirra þegar skiptingarnar áttu sér stað.

Það kom verulega á óvart hversu varnarsinnaðar innáskiptingarnar voru og leikmenn liðsins virðast ekki vera sammála ákvörðun Sven Görans um að best sé að reyna að halda fengnum hlut í stöðunni 1-0. Það er náttúrulega vitað mál að lítið þarf til að skora eitt mark og ef að paragvæ hefði gert það þá voru fáir leikmenn eftir inni á vellinum til að ógna mikið í sókninni þar sem að Owen og Joe Cole voru farnir af velli.

Rio Ferdinand og Sol Campbell hafa samkvæmt fjölmiðlum ytra báðir líst yfir áhyggjum vegna þesssa. Michael Owen er sagður hafa verið æfur eftir að hafa verið skipt út af eftir einungis 55 mínútur fyrir hinn unga Stewart Downing og krafðist fundar með Sven Göran eftir leikinn. Hann var víst æfur inni í búningsklefanum eftir leikinn og vildi fá útskýringar á því hvers vegna honum var skipt út af.