Misnotaði börn fyrir 20 árum

Charles Carl Roberts, maðurinn sem skaut 10 skólastúlkur í barnaskóla í Pennsylvaníu í Bandaríkjunum í gær, viðurkenndi fyrir eiginkonu sinni að hann misnotað tvo unga fjölskyldumeðlimi fyrir tveimur áratugum.

Þetta fram á blaðamannafundi lögreglu í Pennsylvaníu í dag. Maðurinn mun hafa sagt konu sinni frá afbrotum sínum í síma skömmu áður en hann skaut stúlkurnar. Í sjálfsvígsbrefi vísaði hann til þeirra og sagði að matraðir um frekari afbrot hefðu sótt á sig.

Talsmaður lögreglu segir ekkert benda til þess að maðurinn hefði misnotað skólastúlkurnar áður en hann skaut þær. Hann hafi þó haft með sér ólar og bönd og annað sem bendi til þess að hann hafi hugsanlega ætlað sér að misnota þær.

Fimm stúlkur létust af sárum sínum og fimm liggja særðar á sjúkrahúsi. Fórnarlömbin voru á aldrinum 6 til 13 ára.