Tvö keppa um efsta sætið

Sjö hafa tilkynnt framboð í forvali Vinstrihreyfingarinnar - græns framboðs á Akureyri en framboðsfrestur rennur út eftir viku. Forvalið sjálft fer svo fram laugardaginn 21. janúar.

Tvö hafa gefið kost á sér í fyrsta sæti, þau Baldvin H. Sigurðsson og Valgerður H. Bjarnadóttir. Wolfgang Frosti Sahr gefur kost á sér í annað sæti, Dýrleif Skjóldal Ingimarsdóttir í 2. til 4. sæti, Baldvin Esra Einarsson í 3. til 4. sæti Kristín Sigfúsdóttir í 4. til 6. sæti og Jóhannes Árnason í 5. til 6. sæti.

Listinn verður fléttulisti að því leyti að einstaklingar af sitthvoru kyni skipa tvö efstu sætin og síðan verða aldrei meira en tveir frambjóðendur af sama kyni í röð á framboðslistanum.